Presidenti i Francës Emanuel Macron dhe ai i Rusisë Vladimir Putin kanë patur sot një bisedë telefonike në lidhje me situatën e luftës mes Armenisë dhe Azerbajxhanit për rajonin e kontestuar të Nagormo Karabakut. Sipas Kremlinit qëllimi i bisedës ishte shtencionimi i situatës.
“Vladimir Putin dhe Emmanuel Macron u bëjnë thirrje palëve luftuese që të zbatojnë një armëpushim të menjëhershëm dhe të plotë, të ulin tensionet dhe të tregojnë përmbajtje maksimale,”- thuhet në deklaratën e Kremlinit.
Deri më tani në rajonin e konestuar janë vrarë mbi 100 njerëz, ndërsa janë luftimet më të rënda në vitet e fundit mes dy vendeve. Ky konflikt lindi javën e kaluar.
Rajoni i kontestuar është pjesë e Azerbajxhanit, por qeveriset nga armenët etnikë. Dy republikat sovjetike kanë zhvilluar një luftë për territorin më 1988-1994, e cila ka lënë rreth 30,000 njerëz të vrarë.
Pavarësisht deklaratave të dy presidentëve të vendeve në fjalë, forcat azerbajxhanase dhe armene u zotuan të vazhdonin luftimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
