Arrestohen tre serbë të dyshuar për krime lufte në Kosovë

Policia e Kosovës ka arrestuar të mërkurën tre serbë të dyshuar për “krime të luftës kundër popullatës civile” gjatë luftës së fundit në Kosovë.
Tre të arrestuarve u është caktuar masa e ndalimit për 48 orë.

Prokuroria Speciale njofton se ata akuzohen për veprën penale “Krimet e luftës kundër popullatës civile”.

“Veprime këto të sanksionuara sipas, nenit 142 dhe 22 të Kodit Penal të RSFJ, aktualisht e penalizuar me nenet 31 dhe 153 të KPRK, në kundërshtim me nenin 3 të përbashkët të 4 Konventave të Gjenevës, të datës 12 gusht 1949, të neneve 4 dhe 5 (1) të Protokollit 2 të datës 08 qershor 1977, shtojcë e Konventave të Gjenevës të vitit 1949, të gjitha rregullat e ligjeve ndërkombëtare në fuqi në kohën e konfliktit të armatosur në Kosovë dhe kurdoherë e rëndësishme për vendimin e tanishëm ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë”, vijon njoftimi.