Ministri i Jashtëm rus Sergey Lavrov tha gjatë fundjavës se diktatori nazist Adolf Hitler kishte "gjak hebre", duke shkaktuar një përgjigje të furishme nga Izraeli të hënën.
“Vërejtjet e Ministrit të Jashtëm Lavrov janë një deklaratë e pafalshme dhe e egër, si dhe një gabim i tmerrshëm historik," tha Ministri i Jashtëm izraelit Yair Lapid.
“Hebrenjtë nuk e vranë veten në Holokaust. Niveli më i ulët i racizmit kundër hebrenjve është të akuzosh vetë hebrenjtë për antisemitizëm", thuhet në kundërpërgjigjen e Izraelit.
Lavrov i bëri komentet në televizionin italian të dielën, duke përsëritur pretendimin e Rusisë se pushtimi i saj në Ukrainë është për të denazifizuar vendin. Ai hodhi poshtë faktin se presidenti i Ukrainës Volodymyr Zelensky është hebre.
“Ai (Zelensky) parashtron një argument: Çfarë lloj nazizmi mund të kenë nëse ai është hebre. Mund të kem gabim, por Hitleri kishte edhe gjak hebre. Nuk do të thotë absolutisht asgjë. Populli i mençur hebre thotë se antisemitët më të zjarrtë janë zakonisht hebrenjtë”, tha Lavrov.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
