Kush është pasuesi i Ismail Haniyeh në krye të Hamasit, një profil i shkurtër

<p>Yahya Sinwar u shpall udhëheqës politik i Hamasit, duke pasuar Ismail Haniyeh, i vrarë gjashtë ditë më parë në Teheran në një bujtinë të Pasdaran.</p> <p>Një vrasje që ka ndezur dëshirën e Teheranit për hakmarrje, që pritet në orët e ardhshme.</p> <p>"Lëvizja e rezistencës islamike Hamas njofton emërimin e liderit Yahya Sinwar si kreun e byrosë politike të lëvizjes."</p> <p>"Një mesazh i fortë rezistence" dërguar Izraelit dhjetë muaj pas fillimit të luftës në Gaza. “Një mesazh i fortë për pushtuesin se Hamasi po vazhdon në rrugën e rezistencës”, tha një zyrtar nga fraksioni palestinez.</p> <p>Një vendim që trazon dhe njëherë letrat dhe tregon se numri një i Hamasit është ideatori i sulmit të 7 tetorit.</p> <p>Sipas analistëve ndërkombëtarë, pas vdekjes së Haniyeh, ai i ka "duart të lira" për të vendosur vetë se si do të vazhdojë të luftojë kundër Izraelit, menaxhon bisedimet - të pezulluara për momentin - për armëpushimin dhe lirimin e pengjeve. I fshehur brenda tuneleve të Gazës për dhjetë muaj, Sinëar i tregoi botës gjithë fuqinë e tij këtë mbrëmje.</p> <p>Parashikimi erdhi disa ditë më parë nga eksperti i Lindjes së Mesme, Michael Milshtein: "<strong><em>Me vdekjen e Haniyeh, Sinwar është njeriu që me të vërtetë komandon në Rrip. Ai e përçmonte Haniyeh sepse ishte ndër ata me kostume dhe kravata, pa përvojë ushtarake, të cilët nuk kanë vuajtur në burg si ai dhe nuk e kuptojnë se vizioni është xhihadi, jo projektet politike</em></strong>”, ka komentuar ai.</p> <p>Sinwar nuk ka rivalë brenda llojit, madje as njerëz shumë të afërt. Një nga njerëzit më të afërt të tij u eliminua nga Izraeli. Muhamed Deif, mik shumë i besuar, u vra në një ndërtesë në jug të Rripit më 13 korrik.</p> <p>Sinwar ka qenë peng i izraelitëve por është liruar në shkëmbimin e një mijë të burgosurve palestinezë dhe ushtarit Gilad Shalit të mbajtur për 5 vjet e gjysmë në tunele, me një vendim të marrë nga kryeministri Benjamin Netanyahu.</p>