Pas ambasadës së SHBA në Tiranë, edhe Ministria për Evropën dhe Punët e Jashtme në vendin tonë ka reaguar për sanksionet e vendosura ndaj anëtarit serb, Millorad Dodik. Këtë të fundit, Departamenti amerikan i Thesarit e ka njoftuar për zgjerimin e sanksioneve për vepra korruptive.
Në një postim në Facebook, MEPJ deklaron se Shqipëria mbështet sanksionet ndaj Dodik dhe se përkrahet fuqishëm integriteti territorial i Bosnje Hercegovinës. Po ashtu, MEPJ njofton se kundërshton çdo përpjekje për të minuar paqen e stabilitetin në Ballkanin Perëndimor.
“Ne mbështesim sanksionet e vendosura nga Zyra e Departamentit Amerikan të Thesarit për Kontrollin e Pasurive të Huaja (OFAC). Shqipëria përkrah fuqimisht integritetin territorial të Bosnje Hercegovinës dhe kundërshton me vendosmëri çdo përpjekje për të minuar atë dhe që kërcënon paqen e stabilitetin në Ballkanin Perëndimor. E ardhmja e rajonit tonë qëndron në bashkëpunim dhe integrim, larg politikës së ndarjes dhe konfliktit”, shkruan MPEJ.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
