Milioneri amerikan, Robert Durst i akuzuar për vrasje dhe i dënuar me burgim të përjetshëm, është shtruar në spital nga Covid-19.
Durst u shpall fajtor të enjten për vrasjen e shoqes së tij më të mirë Susan Berman në vitin 2000.
Ai e vrau atë në përpjekje për ta ndaluar të fliste me policinë për zhdukjen e bashkëshortes së tij. Policia beson se ai vrau dhe dy persona të tjerë.
Durst, i cili ka probleme të shumta shëndetësore mësohet se është me ventilator, tha avokati i tij.
Ai "dukej më keq se sa e kisha parë ndonjëherë", tha Dick DeGuerin për Los Angeles Times.
Prokurorët e quajtën Durst një "psikopat narcisist", ndërsa ai ka mohuar vrasjen e Susan Berman.
Dënimi i tij për vrasje të shkallës së parë përjashton çdo mundësi lirimi me kusht.
Gruaja e Durst, Kathleen McCormack, një studente e mjekësisë, u zhduk në vitin 1982 dhe supozohet se ka vdekur. Ai kurrë nuk u akuzua për zhdukjen e saj.
Prokurorët kanë argumentuar se Durst në të vërtetë vrau tre persona - i treti ishte një fqinj i moshuar, Morris Black.
Black kishte zbuluar identitetin e Durst në 2001 ndërsa Durst ishte fshehur në Teksas dhe pretendonte të ishte një grua memece.
Durst u lirua nga akuzat për vrasjen e Black, duke argumentuar se ai e kishte vrarë atë për vetëmbrojtje para se të priste trupin.
Durst është një anëtar i një nga dinastive më të pasura dhe më të fuqishme të pasurive të patundshme në Nju Jork. Vëllai i tij Douglas Durst, i cili dëshmoi në gjyq, i tha gjykatës: "Ai donte të më vriste".
Në fund të serisë “The Jinx”, serialit mbi jetën e tij, Durst dëgjohet duke murmuritur me vete: "Çfarë dreqin bëra? I vrava të gjithë, natyrisht".
Disa orë para episodit të fundit të transmetuar në mars 2015, autoritetet arrestuan Durst në New Orleans për vrasjen e zonjës Berman.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
