Macron takon liderët politikë, në kërkim të kryeministrit të ri

<p>Presidenti Emmanuel Macron u takua me krerët e krahut të majtë të premten, në fillim të dy ditëve të bisedimeve të vështira që synojnë të vendosin se kush do të formojë qeverinë e ardhshme të Francës.</p> <p>Zgjedhjet e parakohshme në fillim të korrikut e lanë politikën franceze në ngërç, pa asnjë parti në gjendje të formonte një shumicë të qartë në Asamblenë Kombëtare.</p> <p>Fronti i Ri Popullor i tyre prej katër partish dëshiron që një nëpunëse e lartë civile pak e njohur e quajtur Lucie Castets të emërohet kryeministre. Megjithatë, ekonomistja&nbsp;37-vjeçare është e&nbsp;pazgjedhur dhe shihet si një zgjedhje e pamundur presidenciale për kryetare qeverie.&nbsp;</p> <p>Sipas sistemit politik të Francës, presidenti emëron një kryeministër që mund të komandojë shumicën në Asamblenë Kombëtare. Vitet e fundit ai kryeministër ka ardhur nga e njëjta parti me presidentin, sepse zgjidhen brenda pak javësh nga njëri-tjetri.</p> <p>Pallati Élysée tha përpara bisedimeve të së premtes se Macron ishte "në anën e francezëve" dhe "vullnetin e votës së tyre". Kërkohet një shumicë e madhe dhe e qëndrueshme që nuk do të bjerë me mocionin e parë, citohet të kenë thënë zyrtarë presidencialë.</p> <p>Udhëheqësi socialist Olivier Faure tha se presidenti nuk kishte dhënë një datë të saktë për emërimin e një kryeministri, por tha se do të ishte e shpejtë.</p> <p>Të hënën Macron do të bisedojë me drejtuesit e Frontit Kombëtar të ekstremit të djathtë, Marine Le Pen dhe Jordan Bardella, së bashku me Eric Ciotti, i cili kryeson një grup republikanësh që u ndanë nga pjesa tjetër e partisë përpara zgjedhjeve. Ata dolën të tretët në zgjedhje, edhe pse kishin udhëhequr raundin e parë.</p> <p>Asnjë grupim partiak nuk ka vende të mjaftueshme për të plotësuar 289 të nevojshme për një shumicë absolute në Asamblenë Kombëtare me 577 vende.</p> <p>Por sipas kushtetutës, Macron nuk mund të shpërndajë parlamentin deri në verën e ardhshme, kështu që analistët besojnë se ai ka të ngjarë të emërojë si kryeministër një figurë që do të kishte shanset më të mira për të gjetur gjuhën e përbashkët mes partive.</p> <p>Ndër emrat e diskutuar në qarqet politike janë ish-ministri socialist i Brendshëm Bernard Cazeneuve dhe Xavier Bertrand, i cili është një udhëheqës rajonal nga republikanët.&nbsp;Megjithatë, Macron nuk ka dhënë ende ndonjë tregues se kë mund të mbështesë.</p>