Viti që po mbyllet ishte viti me numrin më të madh të vrasjeve në masë, qëkur media dhe studiuesit filluan të mbajnë statistika, sipas një studimi të ri.
Gjatë 2019-s ka pasur 211 viktima në 41 raste vrasjesh masive, sipas bazës së të dhënave të Associated Press, USA Today dhe Universiteti Verilindor në Boston. Sipas përkufizimit të tyre, vrasje masive është çdo incident në të cilin vdesin katër ose më shumë njerëz, duke përjashtuar autorin e krimit.
Është numri më i madh i vrasjeve në masë që nga koha kur dy organizatat e lajmeve dhe universiteti filluan gjurmimin e tyre në 2006, kur ata regjistruar 38 incidente. Ata thonë se "hulumtimet e tjera" që kthehen pas në vitet ‘70 nuk tregojnë asnjë vit tjetër që mund të krahasohet.
"Kjo duket të jetë epoka e të shtënave në masë", i tha Associated Press, James James Densley, një kriminolog dhe profesor në Universitetin Shtetëror Metropolitan në Minesota.
Në 33 raste, janë përdorur armët e zjarrit, ndjekur nga thika dhe sëpatat. Në dy raste, autorët i vunë zjarr një shtëpie, duke vrarë njerëzit brenda.
Nëntë nga vrasjet masive kanë ndodhur në një vend publik. Shumica e incidenteve përfshinin njerëz që e njihnin njëri-tjetrin, qoftë familjarë ose bashkëpunëtorë, banda të drogës etj.
Gati gjysma e shteteve amerikane u përballën me vrasje masive, përfshirë qytetet e mëdha si Nju Jork City (me popullsi 8.4 milion) dhe qytete të vogla si Elkmont, Alabama. Megjithëse ka ligjet më të rrepta për armët në vend, Kalifornia kryeson listën me tetë raste të tilla.
Rastet më vdekjeprurëse ndodhën në gusht, kur 21-vjeçari Patrick Crusius qëlloi dhe vrau 22 persona brenda një supermarketi në El Paso, Texas. Ai tha se dëshironte të vriste sa më shumë "meksikanë".
Arkivi i Dhunës me Armë (GVA), një grup që gjurmon të gjitha dëmtimet dhe vdekjet me armë zjarri, thotë se numri i vrasjeve masive për vitin 2019 është 30 dhe të shtëna masive kanë qenë 404; sidoqoftë, metodologjia e saj gjurmon incidente në të cilat mund të mos jetë lënduar.
Ndërsa numri i incidenteve të kësaj natyre në 2019 ishte më i larti, viti 2017 ka mbajtur rekordin për numrin e viktimave: 224 njerëz humbën jetën në vrasje masive atë vit, përfshirë 58 në Las Vegas, në një koncert. Motivi i Stephen Paddock për një krim të këtyre përmasave mbetet mister edhe sot e kësaj dite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
