Për arkeologët është një ngjarje e madhe, për herë të parë janë ekspozuar bizhuteritë e arit nga një varr në malin Scopus, në veri-lindje të Jerusalemit, të gjetura në vitin 1971.
Bizhuteritë e arit dhe me gurë të çmuar u shfaqën në publik në Kongresin e 48 të Arkeologjisë, i organizuar nga Autoriteti i Antikiteteve të Izraelit dhe Shoqata Arkeologjike e Izraelit, më shumë se 50 vjet pas zbulimit të tyre dhe mund të tregojë historinë e mbajtësit.
Pas shkatërrimit të tempullit të Jerusalemit dhe eksodit të popullsisë hebreje, Jerusalemi romak i vonë, i riemërtuar Aelia Capitolina, kishte një popullsi të përzier.
Gjatë asaj kohe, disa vajza u varrosën të stolisura me bizhuteri ari. Bizhuteritë u zbuluan në një arkivol plumbi në malin Scopus gjatë gërmimeve të udhëhequra nga arkeologu i ndjerë Yael Adler i Departamentit të Antikiteteve të Izraelit dhe mendohet se janë të para 1800 viteve.
Mes argjendarive përfshiheshin një palë vathë ari, një kapëse flokësh, një varëse ari, rruaza ari, dhe një rruazë qelqi dhe mban simbolin e Hënës, një hyjni romake.
Ky detaj sugjeron se bizhuteritë janë mbajtur gjatë gjithë jetës së vajzës, për ta shoqëruar më pas edhe gjatë vdekjes dhe për të vazhduar ta mbrojnë edhe në jetën e përtejme.
Të zbuluara në vitin 1971, gjetjet nuk janë ekspozuar kurrë që atëherë, por vetëm janë studiuar. Gjetjet, sipas studiuesve, i referohen një periudhe pasi Jerusalemi u shkatërrua pothuajse tërësisht pas rrethimit të vitit 70 pas Krishtit. Hyjnitë pagane romake gëzonin shumë famë në qytetin e ri të Hadrianit. Në atë kohë, hebrenjtë u ndaluan të hynin në Jerusalem, sepse qyteti ishte i pushtuar nga legjionarët romakë dhe në rast se do ta bënin, i priste dënimi me vdekje.
Duket se vajza ishte varrosur me një grup të shtrenjtë bizhuterish ari që përfshinin vathë, një zinxhir me një varëse lunula (të emërtuar sipas perëndeshës së Hënës) dhe një kapëse flokësh. Këto xhevahire janë të njohura në botën romake dhe janë karakteristike për varrosjet e vajzave, ndoshta duke ofruar dëshmi të njerëzve që ishin varrosur në këto vende.
Jerusalemi i vonë romak, i riemërtuar Aelia Capitolina, kishte një popullsi të përzier që arriti në qytet pas shkatërrimit të tempullit të Jerusalemit dhe evakuimit të popullsisë hebreje.
Njerëz nga pjesë të ndryshme të Perandorisë Romake u vendosën në qytet, duke sjellë me vete një grup të ndryshëm vlerash, besimesh dhe ritualesh. Kulti pagan i popullsisë së re të qytetit ishte i pasur dhe i larmishëm, duke përfshirë perëndi dhe perëndesha, duke përfshirë kultin e perëndeshës së Hënës.
Sipas studiuesve, bizhuteritë prej ari janë përdorur si një hajmali kundër syrit të keq nga vajzat e reja pagane gati 1800 vjet më parë. Bizhuteritë u varrosën me vajzat për të vazhduar t’i mbrojnë në jetën e përtejme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
