Një 37-vjeçar është ekzekutuar me armë zjarri mbrëmjen e sotme. Ngjarja ka ndodhur në rrugën dytësore Tiranë-Durrës.
Trupi i pajetë u gjet në mes të rrugës, çka bëri që fillimisht të mendohej për një aksident.
Por më pas verifikimet e para çuan në përfundimin se trupi kishte plagë të shkaktuara nga armë. Viktima është Iliaz Çali. Dyshohet se në makinë ka qenë edhe një person tjetër që mund të jetë plagosur.
Tiranë/Informacion paraprak
Më datë 03.04.2022, në autostradën Tiranë-Durrës, përballë DHL-së, në rrethana ende të paqarta, është qëlluar me armë zjarri drejt një automjeti tip "Land Rover" dhe si pasojë ka ndërruar jetë drejtuesi i mjetit, ende i paidentifikuar.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit/ëve.
Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
