Zëvendëspresidenti amerikan JD Vance u tha trupave në Groenlandë se SHBA duhet të fitojë kontrollin e ishullit Arktik për të ndaluar kërcënimin e Kinës dhe Rusisë, ndërsa dyfishoi kritikat ndaj Danimarkës, për të cilën ai tha se “nuk ka bërë një punë të mirë”.
Nën marrëdhëniet gjithnjë e më të tensionuara midis Shtëpisë së Bardhë dhe Groenlandës dhe Danimarkës, zëvendëspresidenti amerikan tha gjatë një vizite në bazën hapësinore Pituffik të premten se: “Mesazhi ynë për Danimarkën është shumë i thjeshtë, ju nuk keni bërë një punë të mirë për popullin i Groenlandës. Keni investuar më pak në popullin e Groenlandës dhe keni investuar më pak në arkitekturën e sigurisë, të kësaj toke të mrekullueshme dhe të jashtëzakonshme”.
Grenlanda, tha ai, do të ishte më mirë të vinte nën ombrellën e sigurisë së Shteteve të Bashkuara sesa të ishte nën ombrellën e sigurisë të Danimarkës.
Ai pretendoi se territori nuk po mbahej i sigurt nga Danimarka “nga shumë inkursione shumë agresive nga Rusia, nga Kina dhe kombe të tjera”.
Menjëherë pasi ai fluturoi në bazën ushtarake amerikane të mbyllur nga akulli në Pituffik në Grenlandën veriperëndimore me gruan e tij, Usha, dhe zyrtarë të tjerë të lartë amerikanë të premten, zëvendëspresidenti u tha trupave amerikane se ishte realisht i interesuar për sigurinë e Arktikut.
Në Shtëpinë e Bardhë, Trump përsëriti pretendimet e tij të mëparshme se SHBA ka nevojë për Groenlandën për “paqe botërore”.
“Unë mendoj se Grenlanda e kupton që Shtetet e Bashkuara duhet ta zotërojnë atë,” tha ai në një konferencë për mediat të premten.
Dhe nëse Danimarka dhe Bashkimi Europian nuk e kuptojnë këtë, ne duhet t’ua shpjegojmë atyre. Ne kemi nevojë për Groenlandën.
Është shumë e rëndësishme, për sigurinë ndërkombëtare, ne duhet të kemi Groenlandën. Ka, anije kineze dhe ruse kudo
Groenlanda, një ish-koloni daneze, është një territor gjysmë autonom brenda mbretërisë së Danimarkës, politikat e saj të jashtme dhe të sigurisë të drejtuara nga Kopenhagen.
Më herët gjatë javës, kryeministrja daneze, Mette Frederiksen, akuzoi SHBA-në për “presion të papranueshëm” ndaj Groenlandës dhe Danimarkës për të hequr dorë nga territori, duke shtuar: “Është presion që ne do t’i rezistojmë”.
Të enjten Trump rinovoi zotimin e tij për të marrë kontrollin e ishullit:
Ne kemi nevojë për Gorenlandën për sigurinë kombëtare dhe sigurinë ndërkombëtare. Kështu që ne do të shkojmë aq larg sa duhet të shkojmë.
Ne kemi nevojë për Groenlandën. Dhe bota ka nevojë që ne të kemi Groenlandën, përfshirë Danimarkën.
Danimarka duhet të ketë Groenlandën. Dhe do të shohim se çfarë do të ndodhë.
Por nëse nuk kemi Groenlandë të madhe, nuk mund të kemi siguri të madhe ndërkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
