Ambasadori ukrainas në Turqi, Vasyl Bodnar, ka bërë me dije se i ka kërkuar Ankarasë të ndërmjetësojë për kthimin e të burgosurve ukrainas të luftës.
“Kjo çështje është gjithmonë në axhendën e Ukrainës," tha Bodnar për agjencinë turke të lajmeve Anadolu.
Diplomati i bëri thirrje Turqisë të marrë rolin e ndërmjetësit, duke kujtuar se si presidenti turk Rexhep Tajip Erdogan lehtësoi kthimin e suksesshëm të dy përfaqësuesve të Mexhlisit (organizatë e ndaluar në Rusi), të cilët u dënuan me burg në Rusi në Shtator 2017 për organizim trazirash dhe cenim të tërësisë territoriale të vendit.
Të pandehurit u falën nga presidenti rus Vladimir Putin në tetor 2017 dhe u dorëzuan në Turqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
