Në një përpjekje për të qetësuar tensionet për mungesën e parave në Nigeri, Presidenti Muhammadu Buhari ka njoftuar se kartëmonedhat e vjetra 200 naira (0,43 dollarë; 0,36 £) do të mbeten kurs ligjor për 60 ditë të tjera.
Ditët e fundit ka pasur protesta të dhunshme teksa njerëzit përpiqeshin të merrnin kartëmonedhat e reja. Afati për dorëzimin e parave të vjetra supozohej të ishte të premten e kaluar.
Por nuk janë lëshuar mjaftueshëm kartmonedha të reja, duke lënë shumë pa para për të paguar për sendet jetike.
Ndërsa nigerianët tani kanë kohë deri më 10 prill për të përdorur kartëmonedhat e vjetra 200 naira, zoti Buhari tha se kartëmonedhat e vjetra 500 dhe 1000 naira mund të shkëmbeheshin vetëm në bankën qendrore dhe në vende të tjera të caktuara.
Nigerianët janë përballur me radhë të gjata në bankomate, me disa që flenë jashtë bankave për t'u përpjekur të jenë të parët në radhë për të marrë disa para.
Njerëzit thonë se janë detyruar të anashkalojnë vaktet dhe nuk kanë qenë në gjendje të paguajnë për shërbimet bazë si tarifat e autobusit apo taksisë në një vend ku paratë e gatshme ende përdoren gjerësisht. Rreth 40% e popullsisë nuk kanë qasje në llogaritë bankare.
Me zgjedhjet që do të mbahen më 25 shkurt, presidenti Muhammadu Buhari është përballur me thirrjet për të ndërmarrë veprime për të shmangur humbjen e votave për Kongresin e Gjithë Progresivëve në pushtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
