Kthjellime dhe vranësira kalimtare, parashikimi i motit sot

Vendi ynë do të vijojë të ndikohet nga kushte atmosferike të qëndrueshme gjatë ditës së shtunë. 

Sipas parashikimit meteorologjik, moti do të jetë kryesisht i kthjellët në të gjithë territorin, ndërsa vranësira të pakta deri mesatare pritet të shfaqen në orët e mesditës dhe pasdites, kryesisht në relievet malore të pjesës lindore të vendit.

Era do të fryjë me drejtim verilindje-veriperëndim, me shpejtësi mesatare rreth 7 m/s, pa krijuar probleme të veçanta.

Ndërkohë, në detet Adriatik dhe Jon parashikohet valëzim i ulët, me forcë 1-2 ballë, duke favorizuar kushtet për lundrim dhe aktivitetet përgjatë vijës bregdetare.

Meteorologët bëjnë me dije se kushtet e qëndrueshme atmosferike do të sjellin një ditë të përshtatshme për aktivitete në natyrë dhe lëvizje turistike në të gjithë vendin.