Operacioni "Nata e Ftohtë", pranga pesë të rinjve, shpërndanin drogë në “Qytet Studenti”

Policia e Tiranës ka finalizuar me sukses operacionin “Nata e Ftohtë” dhe ka arrestuar pesë të rinj për shpërndarje të lëndëve narkotike. 

Sipas bluve të kryeqytetit të arrestuarit shpërndanin bimë narkotike kryesisht në godinat e “Qytetit Studenti” në rrugën “Budi”.

Gjatë kontrollit të ushtruar në banesën e marrë prej tyre me qira janë gjetur rreth 27 gramë bimë e dyshuar narkotike e llojit kanabis sativa e ndarë në procione gati për shitje.

Materialet në ngarkim të tyre  i kaluan Prokurorisë pranë Gjykatës së Shkallës së Parë Tiranë për veprën penale të “Prodhim dhe shitje të narkotikëve e kryer në bashkëpunim‘’.

Të arrestuarit

– Klajdi Llapi, 20 vjeç, banues në Tiranë.

– Dorian Rapushaj , 21 vjeç, banues në Tiranë

– Marin Tona, 20 vjeç, banues në Tiranë

– Devi Hajro, 19 vjeç, banues në Tiranë

– Nimert Hoxhaj, 19 vjeç, banues në Tiranë

Në cilësinë e provës materiale janë sekuestruar:

• 27 gramë bimë e dyshuar narkotike e llojit kanabis sativa.

• Dy telefona të markës Iphone 4.

• Disa qese farmaceutike të tejdukshme.

• Një automjet i tipit “Opel” në pronësi të shtetasit Marin Tona.