Të shtëna me armë zjarri janë dëgjuar në një lokal bastesh fare pranë Drejtorisë së Policisë në qytetin e Gjirokastrës.
Sipas informacioneve të para, një person u plagos mbrëmjen e sotme në ngjarjen e ndodhur në lagjen "18 shtatori".
I plagosur ka mbetur shtetasi Xhelo Gerveshi, 52 vjeç, nga Lazarati. Ai u qëllua me armë zjarri në këmbë sapo doli nga një pikë bastesh sportive.
Blutë e Gjirokastrës kanë identifikuar si autor të ngjarjes shtetasin Valentin Buci.
I plagosuri u transportua me urgjencë në spital për marrjen e ndihmës mjekësore.
Forca të shumta policia kanë shkuar në vendin e ngjarjes dhe kanë nisur hetimet për të zbardhur se çfarë ka ndodhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
