Hidhet shorti për anëtarët e KED, Sokol Binaj zgjidhet kryetari i ri

Këshilli Emërimeve në Drejtësi nga sot do të ketë dy anëtarët e rinjë të përzgjedhur me short.

Marsida Xhaferllari dhe Elsa Toska janë zgjedhur nga Gjykatës Kushtetuese për  në Këshillin e Emërimeve në Drejtësi.

Ndërsa Gjyqtari i Gjykatës së Lartë, Sokol Binaj, do të jetë kryetari i Këshillit të Emërimeve në Drejtësi për 2022.

Ai u zgjodh anëtar i KED nga gjykata e Lartë në shortin e hedhur në Presidencë dhe automatikisht mban edhe kryesimin e KED për një mandat 1 vjeçar.

Anëtarët e përhershëm të Këshillit të Lartë të Emërimeve në Drejtësi

Nga Gjykata Kushtetuese

-Marsida Xhaferllari (anëtar i përhershëm)

-Elsa Toska (anëtar i përhershëm)

-Altin Binaj (anëtar zëvendësues)

Nga Gjykata e Lartë

-Sokol Binaj (anëtar i përhershëm dhe kryetar i KED)

-Sandër Simoni (anëtar zëvendësues)

Nga Prokuroria e Përgjithshme

-Anila Leka (anëtare e përhershme)

-Thoma Jano (anëtar zëvendësues)

Enton Dhimitri zgjidhet anëtarë i përhershëm i KED, Ridvan Hado, anëtarë zëvendësues i KED, Edlira Petri anëtare e përhershme e KED.  

Në Këshillin e Emërimeve në Drejtësi, nga radhët e prokurorëve janë përzgjedhur nga shorti, prokurorët e Prokurorisë së Përgjithshme, Anila Leka dhe Thoma Jano.

Në garë morën pjesë Kryeprokurori Olsian Çela dhe prokurorët Arqile Koca, Alfred Prigonati dhe Alma Muça.