Netflix po përballet me një padi prej 105 milionë dollarësh për vjedhjen e një hard disku që përmbante një film lufte të papublikuar me protagonist Nicolas Cage.
Zyrat e Netflix në Los Angeles janë bërë shënjestër e një vjedhjeje me thyerje, ku janë vjedhur disa hard disqe, përfshirë një kopje të filmit spiun të Luftës së Dytë Botërore “Fortitude”, raporton Guardian.
Krijuesit e filmit, prodhimi i të cilit kushtoi 45 milionë dollarë, po ndërmarrin veprime ligjore kundër Netflix.
“Netflix kundërshton çdo pretendim se është përgjegjës për humbjen e një filmi që është dorëzuar pa masat e duhura të sigurisë”, tha një zëdhënës i kompanisë në një deklaratë të publikuar nga The Hollywood Reporter.
Ndërsa nuk i zotërojmë të drejtat për filmin, ne e marrim seriozisht sigurinë e përmbajtjes dhe kemi ndërmarrë hapa shtesë për të mbështetur krijuesin dhe ekipin e tij. Kjo përfshin kryerjen e një hetimi dhe monitorimin e faqeve të internetit të piraterisë për çdo shpërndarje ose shitje të paautorizuar të filmit.
Netflix thuhet se mori një kopje të filmit në qershor, pasi kishte shprehur interes në fund të vitit të kaluar. Më pas mori një kopje dixhitale për shfaqje të brendshme, ku producentët i kërkuan Netflix të fshinte skedarët pas përfundimit.
Sean Burney, një drejtues ekzekutiv i Netflix, shkroi se kjo është hera e parë që kompania është përballur me një vjedhje të tillë.
Ekipet tona të sigurisë po punojnë për rastin, por deri më tani nuk kanë arritur asnjë rezultat.
Netflix akuzohet se nuk e ka bërë të ditur nëse fillimisht ka paraqitur një kallëzim policor, ndërsa më vonë, dyshohet se ka refuzuar kërkesën e krijuesve që Policia e Los Anxhelosit të përfshihet në hetime.
Sipas padisë, shfrytëzimi i ardhshëm komercial i filmit është vënë në rrezik serioz, pasi fushata e shpërndarjes ndërkombëtare dhe pjesëmarrja në çmimet e filmit janë pezulluar.
“Dëmet e pësuara nga paditësit janë të jashtëzakonshme”, thuhet në padi, sipas Page Six.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
