Qeveria shqiptare dhe ajo e Maqedonisë do të zhvillojnë një mbledhje të përbashkët. Mbledhja ka për qëllim nxitjen e bashkëpunimit dhe lehtësimin e ndërveprimit ekonomik mes dy vendeve. Siç bën të ditur zyra e shtypit e kryeministrit, Rama dhe homologu i tij Zoran Zaev janë dakordësuar për mbledhjen gjatë takimit dypalësh në Shkup.
Njoftimi i Kryeministrisë
Kryeministri Edi Rama ndodhet në Shkup për një vizitë pune dhe do të marrë pjesë në Samitin rajonal “100 liderë në biznes nga Europa Juglindore – Ndërlidhja” me fokus biznesin dhe ndërveprimin ekonomik mes vendeve.
Në kuadër të këtij samiti, kryeministri Rama u prit nga kryeministri i Maqedonisë, Zoran Zaev. Në qendër të bisedës ishin marrëdhëniet dypalëshe dhe intensifikimi i shkëmbimeve tregtare.
Për t’i dhënë nxitje këtij bashkëpunimi dhe lehtësuar ndërveprimin ekonomik mes vendeve, dy kryeministrat u dakordësuan për mbajtjen në muajt e ardhshëm e mbledhjes së përbashkët mes dy qeverive shqiptare dhe maqedonase. Ministrite e Jashtme te te dy vendeve do te pergatisin axhenden e mbledhjes, si dhe do te percaktojne kohen e mbajtjes se mbledhjes te dy qeverive.
Liderë nga Ballkani Perëndimor, përfaqësues nga fusha e biznesit nga Europa Juglindore dhe përfaqësues nga Bashkimi Europian do jenë pjesë e Samitit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
