Ish-kryeministri Berisha ka publikuar në profilin e tij në “Facebook” fotot e banorëve të Zharrëzës, të cilët prej ditës së djeshme vijojnë të qëndrojnë para Ministrisë së Energjisë. Berisha akuzon Ramën se po sillet në mënyrë çnjerëzore me ta.
“Grevistët e urisë kaluan natën para ndërtesave të qeverisë që është shndërruar në organizatë kriminale me në krye Edvin Kristaq Ramën. Ai, si katil i vërtetë, në një akt çnjerëzor ndaj tyre urdhëroi policinë t'ju heqë çadrën, duke thënë se kërkesat u zgjidhën nuk kanë nevojë për çadrën! Sb”, shkruan ai.
Ndërkohë, ditën e djeshme, pas mbërritjes së banorëve të Zharrëzës në Tiranë, PD u përpoq të bëhej pjesë e protestës së tyre, por u refuzua.
Vetë Basha kërkoi falje më pas për neglizhencën e qeverisë demokrate gjatë mandatit të kaluar për banorët e Zharrëzës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
