Më 6 tetor do të mbahen zgjedhjet e parakohshme në Kosovë. Ky është vendimi që ka marrë kreu i shtetit, Hashim Thaçi mesditën e së hënës, një vendim ky që pason dekretin për shpërndarjen e Parlamentit.
Në njoftimin e bërë publik për mediat, presidenti Thaçi ngarkon Komisionin Qendror të Zgjedhjeve për organizimin e mëtejshëm të zgjedhjeve të parakohshme që do të mbahen më 6 tetor.
“Udhëzohet Komisioni Qendror i Zgjedhjeve i Republikës sё Kosovës t’i ndërmerr tё gjitha veprimet e nevojshme për organizimin dhe mbajtjen e zgjedhjeve për Kuvendin e Republikës sё Kosovës, nё përputhje me kёtё vendim dhe legjislacionin nё fuqi”, thuhet nё vendimin, e nënshkruar nga presidenti Thaçi.
Zgjedhjet e prakohshme në Kosovë vijnë për shkak të dorëheqjes së Ramush Haradinajt nga posti i kryeministrit. Kreu i ekzekutivit të Kosovës u tërhoq nga drejtimi i qeverisë, pas ftesës nga Gjykata Speciale në Hagë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
