I vetmi rast kur opozita ka qenë racionale, sipas kryeministrit Rama është momenti i marrëveshjes së 17 majit. Në një intervistë për Zërin e Amerikës, Rama u pyet për ndarjen në gjirin e opozitës, e cila sipas tij ka krijuar ndarje edhe te njerëzit. Kreu i qeverisë u shpreh se në më shumë se 8 vjet të qeverisjes së tij nuk ka pasur përballë një opozitë të arsyeshme.
Ka qenë opozitë muskujsh, jo opozitë mendjesh. Është një përçarje e madhe që reflektohet në ndarje të madhe edhe te njerëzit, duke shkatërruar premisat e një opozitarizmi modern. Ne nuk mund të ndryshojmë gjë në këtë dinamikë. Është një pengmarrje spektakolare e opozitës nga dy personazhe që janë tragjikomike në përpjekjen e tyre. Nuk mbaj mend një ditë me një opozitë racionale, mbaj mend vetëm një natë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
