25 njerëz kanë humbur jetën nga shirat e rrëmbyeshëm në Kinën jugore, dhe miliona banorë të tjerë janë prekur nga pasojat. Sipas raportimeve janë regjistruar miliarda juanë humbje ekonomike, ndërsa vendi po përballet me sezonet gjithnjë e më shkatërruese të përmbytjeve të nxitura nga ndryshimet klimatike.
Javët e fundit, reshjet e mëdha të shiut kanë shkaktuar përmbytje të rënda dhe rrëshqitje të dheut në zona të mëdha të Kinës jugore, duke dëmtuar shtëpitë, të korrat dhe rrugët.
Në provincën Hunan, 10 njerëz kanë mbetur të vdekur këtë muaj dhe tre të tjerë janë zhdukur. 286,000 njerëz janë evakuuar dhe 1.79 milionë banorë janë prekur, thanë zyrtarët në një konferencë shtypi të mërkurën.
Më shumë se 2,700 shtëpi janë shembur ose kanë pësuar dëme të rënda dhe 96,160 hektarë të korra janë shkatërruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
