Influencerja irakiane Om Fahad është qëlluar për vdekje jashtë shtëpisë së saj në Bagdad, bëjnë me dije mediat lokale. Sulmi ndodhi në lagjen lindore të kryeqytetit Zayne të premten.
Ministria e Brendshme e Irakut konfirmoi në një deklaratë se një "grua e njohur në faqet e rrjeteve sociale" ishte vrarë nga "sulmues të panjohur".
Fahad, emri i vërtetë i të cilit është Ghufran Sawadi, thuhet se u qëllua në makinën e saj nga një person me motoçikletë.
Fahad u bë e njohur në TikTok për ndarjen e videove të saj duke kërcyer me muzikë pop me rroba të guximshme - duke fituar dhjetëra mijëra ndjekës.
Ajo u dënua me gjashtë muaj burg vitin e kaluar për ndarjen e videove që gjykata tha se prekin "moralin publik".
Kjo pasoi nisjen e një komiteti qeveritar për të monitoruar faqet e mediave sociale për përmbajtjen që e konsideronte fyese dhe për të ndëshkuar ata që janë përgjegjës për to.
Kohët e fundit, një grindje mes Fahadit dhe një influencereje tjetër Dalia Naeem është përshkallëzuar.
Naeem - e cila njihet si "Barbie irakiane" - kishte kërcënuar se do të ekspozonte marrëdhëniet e supozuara të Fahadit me zyrtarë të lartë irakianë, thonë mediat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
