Me moton “Drejtësi, jo politikë”, sot në Prishtinë, në sheshin Sheshi Skënderbeu, mbahet një marsh në mbështetje të ish-udhëheqësve të Ushtria Çlirimtare e Kosovës (UÇK), të cilët po gjykohen në Hagë.
Marshi është organizuar nga platforma ‘Liria ka Emër’ dhe është paraparë të nisë në orën 14:00. Në mbështetje të kësaj proteste janë nisur edhe shumë aktivistë nga Shqipëria.
Mes tyre është edhe artisti dhe aktivisti Bledar Çakalli, i njohur në trevat shqiptare për muralet me tematikë historike dhe kombëtare. Ai është shprehur për “Zgjohu me MCN” se është nisur drejt Prishtinës së bashku me një grup të rinjsh për të mbështetur marshin.
UÇK është çështje kombëtare. Nuk po gjykohen vetëm disa komandantë, por po preket e gjithë lufta e UÇK-së. Është detyrë e jona të jemi të pranishëm dhe të bashkohemi në këtë protestë.
Udhëtimi është organizim vetjak, nga një grup patriotësh që vijnë nga qytete të ndryshme si Vlora, Fieri, Lushnja, Durrësi, Dibra dhe Shkodra, të cilët janë bashkuar për të marrë pjesë në tubimin në Prishtinë.
Ky marsh synon të japë një mesazh solidariteti dhe mbështetjeje, duke theksuar se çështja e UÇK-së shihet si një kauzë mbarëkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
