Ambasadori Xhon Bolton, ka dhënë përsëri një intervistë ekskluzive për Fokus TV. I shqetësuar për vrasjen në kampin e MEK, ai theksoi se nuk “duhet të largoheni nga shikimi amerikan se ndryshe është vështirët që të ktheheni te vëmendja e atyre që kanë fuqi pushteti, si Kosova edhe Shqipëria.” INTERVISTA Robert Papa: Departamenti po i bën presion Kosovës dhe Kurtit dhe ai nuk po i dëgjon. A po ndryshojnë politikat e Departamentit Amrika ndaj Kosovës? Ambasadori Xhon Bolton: Kanë qenë politikat e Obamës, tani të Bidenit që zgjidhjen mes Kosovës dhe Serbisë t’ia lenë tani francezëve dhe gjermanëve për të ulur përfshirjen amerikane. Në kohën time ata (franko- gjermanët” nuk kishin bërë shumë, dhe po të mos kishin ndërhyrë ne, rreziku i destabilitetit atje do ishte rritur. Kësisoj, është gabim të shkojmë te pozicionet e hershme, por ne duhet te inkurajojmë palët të flasin mes tyre. Kur ke ndërmjetësa nga jashtë, e bën punën më të vështirë. Robert Papa: Duket se BE por edhe Amerika mund të venë sanksione. A është e drejtë? Ambasadori Xhon Bolton: Nuk mendoj se duhen sanksione. Është një mosmarrëveshje mjaft e ndërlikuar, vështire ta kuptojnë të huajt, të paktën ata tej Atlantikut. I vështrojnë palët për marrëveshje, bëhet më keq kur njëra palë mendon se penalizohet, duke parë interesin vetjak. Sanksionet nuk çojnë te zgjidhja, por e stërzgjasin krizën. Kjo nuk është në interesin e palëve dhe stabilitetit në rajon. Amerika nuk ikën prej Kosovës. Robert Papa: Kur ikët nga Afganistani, shqiptarët u friguan. A mund të largoheni nga Kosova? Ambasadori Xhon Bolton: Jo. Situatat janë shumë ndryshe. Çështja e Kosovës është që të mbajë ndaj saj vëmendjes amerikane. Ka shqetësime për Ukrainën dhe Kinën, por duhet te ketë shqetësime për Amerikën edhe në Europë. Ka qene themel i politikës sonë të jashtme qysh me 1945 edhe në kohët më të këqija të Luftës së Ftohtë. Nuk ka asnjë arsye për ne që të kthejmë kurrizin ndaj Kosovës, që te mos krijojmë problem si Afganistani. Robert Papa: Çka është ndryshimi mes Asociacioneve dhe shkëmbimit të tokave? Ambasadori Xhon Bolton: Problemi është nëse liderët e të dy palëve kanë marrë vendime qe do të bindin vendet e tyre për interesat e tyre kjo krijon situatë të vështirë shumë. Xhejms Baker, bosi im, negocionte mbi parimet, thoshte: “Nuk ke rënë dakord për asgjë, nëse nuk ke rënë dakord për çdo gjë.” Te këmbimi i trojeve nuk ishte ky, thelbi. Ishte e rëndësishme por jo thelbi i çështjes. Rëndësi ka te totali i ndalimeve, pra pengesave. Mund të jetë humbje në një pikë, por mund të jetë fitore në një zone tjetër. Duhet të bëni një analizë të kryqëzuar përfitimesh. Është pak ë ndërlikuar, mashtruese. Robert Papa: Kryeministri i Kosovës nuk po i dëgjon fare zyrtarët e Departamentit. Çfarë do t’i sugjeronit atij? Ambabsadori Xhon Bolton: Ka rëndësi shumë të mbani “Amerikën të përfshirë ndaj jush, për të mos ju lenë në duart e Francës dhe Gjermanisë. Kontakti me Departamentin Amerikan të Shtetit është i rëndësishëm, por duhet edhe kontakti me stafin e Këshillit të Sigurisë Kombëtare. Kur merrni vëmendjen e vendimmarrësve amerikanë, ju nuk duhet ta humbisni atë. Nëse dilni nga shikimi i tyre, është vështirë të ktheheni te shikimi i tyre. Robert Papa: Një president republikan a është një ardhme më e mirë për Kosovën? Ambasadori Xhon Bolton: Varet se kush do jetë presidenti. Kur e mbështet politikën e jashtme te interesi i sigurisë kombëtare, merr rëndësi siguria në Ballkan dhe zgjidhja e mosmarrëveshjeve. Pas shkrirjes së Bashkimit Sovjetik dhe Traktatit të Varshavës dhe ish- Jugosllavisë, ende duhet roli amerikan, por i republikanëve që i venë rëndësi Europës dhe Ballkanit. Ka një të ardhme për gjithkënd. Ky progres kontrollohet nga historia, por duhet përçarë një pjesë historie. Amerika është e zonja për këtë ndaj ne jemi aty për ndihmë, dhe ju duhet të përfitoni nga kjo. Ne duhet të rrimë shumë të përfshirë në Ballkan, pra edhe në Kosovë dhe të përqendrohemi aty. Robert Papa: Pse Departamenti është i butë me Vuçiç, një aleat i Putinit? Ambasadori Xhon Bolton: Departamenti i Shtetit nuk ka një politike koherente, shpesh vendimmarrësit individualë kanë me shumë fuqi se sa mendoni. Kjo çështje nuk po merr shumë vëmendje në maj, mbase ja ka marrë oksigjenin lufta në Ukraine, duhet parë gjendja si e tërë jo vetëm një çështje. (Ukraina) Robert Papa: Z.Blinken ishte në Kinë dhe duket se e dorëzoi Tajvanin. Unë e di se ju keni takuar zyrtarët tajvanazë në Uashington dhe kjo krijoi shumë sulme nga gazetat liberale. .Blinkeni tha se ne nuk do mbështesim pavarësinë e Tajvanit. A është Tajavani apo jo një vend i pavarur? Ambasadori Xhon Bolton: Ishte gabim nga Blinken ta thotë, Tajvani është shtet i pavarur, vetëqeveriset, ka një kryeqytet, qeveri funksionale, ka një popullsi të përcaktuar dhe territor të përcaktuar. Këto janë shenjat e një shteti. Mund të diskutoni për fjalën “i pavarur”, por Tajvani funksionon si i pavarur. Dhe pozita e SHBA-së, që s’do të thotë që është pozita e drejte ,që nga Komunikata e Shangait 1972, është që” Ne dum palët ta zgjidhin, por pa përdorim force. Tajvanezët nuk kanë synim për përdorim forcë; i vetmi turbullues aty është Kina. Fjala e Blinken ishte një gabim në territorin kinez. Që tha se nuk mbështesim pavarësinë e Tajvanit. Populli i Tajvani këtë do dhe ata duhet të vendosin dhe në fakt, ata e kanë vendosur këtë për afro 75 vjet. Robert Papa: Ç’po ndodh te Partia Republikane te primaret? Ju pashë te kanalet liverale CNN, MSNBC, por jo te Fox News sepse ka ndryshuar shumë. A mendoni se Trump mund të fitojë se ka 53 % kurse Desantis 23? Ambasadori Xhon Bolton: Trump po rritet te polle-t dhe Desantis ka rënë, por është shumë herët. Shumë njerëz të zgjuar po hyjnë në garë. Njerëzit kanë kuptuar për ndikimin e akuzave federale. Sa më shumë të fokusohen te faktet e para gjyqeve, njerëzit do kuptojnë se sa serioze janë akuzat dhe Trump do jetë ne mes shumë trazirave. Mendoj se nuk duan të diskutojnë më zgjedhjet e 2020, nuk duan dikë që rrezikon me sekretet. Robert Papa: Javën e kaluar ai tha se zgjedhjet mi vodhën. A e dëmton kjo Partinë Republikane? Ambasadoi Xhon Bolton: Po e dëmton. Edhe pse disa mendojnë se zgjedhjet u vodhën (por nuk pati evidence),edhe ata duan të lëvizin përpara . Ne duam një lider të ri për Partinë Republikane. Kemi njerëz të kualifikuar që s’kanë nevojë të marrin mbi vete problemet e Trumpi-t. Asnjë nga kandidtatët nuk ka tërhequr votat e nevojitura. Kjo është fushata. Shumica e amerikanëve nuk harxhojnë 100% të kohës se tyre me politikën. Jashtë unazës se Uashingtonit, tashmë njerëzit po kthehen kah fushata. Robert Papa: Para dy muajsh, në intervistën tuaj ju pyeta se po mendonit të garonit për President. A po e mendoni ende? Ambasadoi Xhon Bolton: E Konsideroj veten një kandidat potencial; shumë kanë hyrë në garë. Nuk duhet të kemi shumë njerëz në garë se Trump rrëshqet mes tyre. Shumë nga ata do tërhiqen shpejt nga gara. Na duhet ata që kanë interes në çështjet e Sigurisë Kombëtare. Është me renëdsi të nominojmë dikë ndryshe prej Trump-it Robert Papa: Shumë shqiptaro-amerikanë do votonin për ju... Amabsadori Xhon Bolton: E di por ka shume rrugë para. Robert Papa: A keni njohuri për Minishengen dhe Open Ballan, Jim Obrien, tashmë numri një për Europën në Departament, inicioi Minishengenin. Ka fjalë se Soros ishte përfshirë te ajo ide, E them këtë sepse djali i Soros, Aleksandër, ka qene 15 herë në Shtëpinë e Bardhë. A ka Soros ndikim të madh te departamenti i shtetit? Ambasadori Xhon Bolton: Ka shqetësime dhe zëra për ndikime te grupeve të Sorosit te diplomatë në ambasadat amerikane në Europën Lindore, madje edhe gjatë administratës së Trumpit. Ka rrëfenja për ndikimin e tij. Mendoj se është e rëndësishme si Shqipëria dhe Kosova, realisht, të rijnë në kontakte me njerëz rëndësie në SHBA në kongres tek ata që kanë kontakte ndryshe me administratën, qe ata ta dinë se çfarë po bëhet realisht aty te ju. Dhe të ndihmojnë t’ju shpjegojnë vendimmarrësve se kush janë faktet reale aty. Robert Papa: E di se keni qenë nënsekretar në Departamentin e Shtetit. Çfarë ndodh me një ambasador që mbaron detyrën? Ambasadorja në Tiranë ka hapur fjalë se ka marrë një post shumë të lartë, por nuk ka asgjë zyrtare. Thotë te zyra e sanksioneve. Ambasadori Xhon Bolton: Diplomatët e karrierës që nga kohët e hershme kane rotacion në pozita të ndryshme. Nëse janë të suksesshëm hipin shkallët në pozicione të rëndësishme. Pra një ambasador kthehet në Departament dhe mbikëqyr ambasadorët në disa vende të ndryshme, ose e çojnë te Kontrolli i Armëve apo te të Drejtave e Njeriut. Nuk ka asnjë tregues të veçantë veçse se lëvizja e karrierës. Robert Papa: Është një zyrë e Koordinimit te Sanksioneve në Departament krijuar nga Obama, por që Tillerson e hoqi. A është ndonjë zyrë shumë e rëndësishme se ambasadorja e këtu e quan fitore? Ambasadori Xhon Bolton: Ajo zyrë nuk ka ekzistuar kur kam qenë në Shtëpinë e Bardhë. Sanksionet ndryshojnë nga vende të ndryshme. SHBA dhe BE i zbatojnë sanksionet shumë mirë , por ta burokratizosh s’ka vlere. Burokracia e Departamentit të Shtetit është burokracia me e stërmadhe, përgjegjësia ndahet mes shumë njerëzve dhe ju nuk e dini dot se kush është në fakt shefi i tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
