Skadon sot marrëveshja e përkohshme për targat mes Kosovës dhe Serbisë. Kët të enjte pritet të mbahet në Bruksel një takim në nivel negociatorësh për të arritur një marrëveshje për të ardhmen.
Një ditë më parë, Miroslav Lajçak, njoftoi për takimin e fundit të grupeve punuese të të dyja shteteve për çështjen e targave.
Përmes një postimi në “Twitter” ai tha se Prishtina dhe Beogradi do të takohen të enjten në nivel kryenegociatorësh “për ta gjetur marrëveshjen për rrugën përpara”.
Kujtojmë që dy pikat e para të marrëveshjes ishin zhbllokimi i pikave kufitare në Jarinjë e Bërnjak dhe tërheqja e policisë, si dhe mbulimi me letra ngjitëse i simboleve shtetërore në targa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
