Një bombol gazi ka shpërthyer mëngjesin e sotëm në një banesë të një çifti të të moshuarve në Kuçovë.
Sipas njoftimit të policisë ngjarja ka ndodhur rreth orës 06:00 të mëngjesit e si pasojë e shpërthimit një pjesë e banesës është shembur.
Zjarrfikësit fillimisht kanë nxjerrë fillimisht 86-vjeçarin Mustafa Kosova nga banesa dhe e kanë nisur në spital për të marrë ndihmë mjekësore.
Ndërkohë raportohet që 84-vjeçarja Alije Kosova, është nxjerr pas disa minutash e pajetë.
Njoftimi i plote:
Më datë 07.05.2023, rreth orës 06:00 në lagjen “11 Janari”, Kuçovë në një banesë ku jetonin shtetasit
M.K 86 vjeç dhe A.K., 84 vjeçe (bashkëshortë), ka shpërthyer një bombol gazi dhe për pasojë një pjesë e banesës është rrëzuar.
Shërbimet e Policisë dhe të zjarrfikëses kanë shkuar menjëherë në vendngjarje dhe deri në këto momente kanë bërë të mundur nxjerrjen e shtetasit M.K, i cili është dërguar në Spital për ndihmë mjekësore.
Vijon puna për nxjerrjen e shtetases A.K.
Në vendngjarje ndodhen ekspertët zjarrfikës, kriminalist dhe Njësia speciale.
Grupi hetimor po punon për sqarimin e rrethanave të ngjarjes.
Pas përfundimit të veprimeve paraprake në vendngjarje do të ketë informacion të plotë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
