Mrekullia e Krishtlindjes është bërë realitet, por 121 vjet me vonesë. Ngjarja në fjalë vjen nga Swansea, qyteti i dytë më i madh në Uells, i cili është i pabesueshëm.
Në Swansea, stafi i një kompanie ndërtimi u befasua pasi morën një kartolinë që u dorëzua me 121 vjet vonesë, më 16 gusht.
Kartolina besohet se daton që nga viti 1903, por është marrë vetëm së fundmi nga stafi në Swansea Building Society në Cradock Street.
Ishte viti 1903, data e treguar në pullë, kur Ewart (mbiemri nuk tregohet) i shkroi një kartolinë zonjushës Lydia Davies, në 11 Gradlock Street, Swansea.
“E dashur L. më vjen keq që nuk mund të vij të marr gjërat që ju lashë. Shpresoj se po argëtoheni në shtëpi. Unë kam 10 shilinga në xhep, kështu që ia kaloj. Më kujtoni te zonja Gilbert dhe John, me dashuri për të gjithë ju.
Nuk ka shumë detaje në lidhje me marrëdhëniet mes të dyve. Sipas asaj që arkivi i qytetit ka arritur të rindërtojë, John Davies jetonte në atë kohë në adresën nga ishte dërguar kartolina, së bashku me gruan dhe gjashtë fëmijët e tij.
Lidia, nga ana tjetër, ishte qenë rreth 16 vjeç në atë kohë. Një miqësi? Një histori dashurie? Kjo nuk dihet...
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
