Forcat e Mbrojtjes së Izraelit njoftojnë se pauzat humanitare në Rripin verior të Gazës do të vazhdojnë edhe ditën e sotme për t’u mundësuar palestinezëve që të evakuohen drejt jugut.
Zëdhënësi i IDF në gjuhën arabe, nënkoloneli Avichay Adraee, shkroi në platformën X se rruga Salah a-Din do të jetë e hapur për lëvizjen drejt jugut për gjithsej shtatë orë sot, nga ora 09.00 e mëngjesit deri në orën 16.00 pasdite.
Rruga bregdetare në veri të Gazës do të jetë gjithashtu e hapur për lëvizje nga ora 10.00 e mëngjesit deri në 16.00, në mënyrë që civilët të arrijnë në Salah a-Din.
Për më tepër, ai thotë se Forcat e Mbrojtjes së Izraelit do të bëjnë “pauza taktike në aktivitetet ushtarake” në lagjet e Daraj dhe Tuffah të qytetit të Gazës midis orës 10.00 dhe 14.00 pasdite, në mënyrë që palestinezët të mund të arrijnë në korridorin humanitar për t’u evakuuar në jug.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
