Spanja është kombëtarja tjetër finaliste, në turneun e futbollit në Lojërat Olimpike. Iberikët kanë mposhtur minimalisht Japoninë në gjysmëfinale, në një ndeshje që zgjati 120 minuta.
Koha e rregullt u mbyll pa gola, ndërsa në shtesa spanjollët ia dolën të gjejnë golin e fitores. Ishte ylli i Real Madrid, Marcos Asensio, i cili në minutën e 115-të, me një gjuajtje shumë të bukur me të majtën, ia doli ta dërgojë topin në fundin e rrjetës.
Spanja kualifikohet kështu në finale, aty ku i pret Brazili, që më herët eliminoi Meksikën, pas gjuajtjeve të penalltive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
