Protesta të dhunshme në Itali, mijëra qytetarë protestojnë kundër luftës në Gaza

Dhjetëra mijëra njerëz dolën në rrugët e qyteteve italiane, duke bllokuar shkolla, trenat, portet dhe rrugët, në një nga protestat më të mëdha në Evropë kundër ofensivës së Izraelit në Palestinë.

Protestat u organizuan ndërsa Franca dhe disa vende të tjera përgatiteshin të njihnin shtetësinë palestineze në OKB, ndërsa Italia deri tani është shmangur nga kjo nismë. Kryeministrja Giorgia Meloni tha se njohja e një shteti që ende nuk ekziston mund të jetë është jo produktive.

Sindikatat italiane shpallën një grevë 24-orëshe në solidaritet me popullin e Gazës, duke kritikuar “inercinë e qeverive italiane dhe të BE-së” ndaj krizës humanitare. Nga Milano në Palermo, mijëra qytetarë marshuan në rrugë, disa bllokuan portet dhe transportin për të kundërshtuar përdorimin e Italisë si pikë referimi për armët që shkojnë në Izrael. 

Në Romë, mbi 20,000 protestues mblodhën jashtë stacionit Termini duke valëvitur flamuj palestinezë. Shumë nga pjesëmarrësit thanë se ishin aty për të kundërshtuar gjenocidin e kryer nga Izraeli në Gaza, duke theksuar se nuk bëhet fjalë për antisemitizëm, por për solidaritet me viktimat.

Protestuesit kërkuan që qeveria të pezullojë bashkëpunimin tregtar dhe ushtarak me Izraelin dhe mbështetën iniciativën ndërkombëtare “Flotilja Globale Sumud” për të dërguar ndihma humanitare në Gaza.

Në disa qytete, tensionet u përshkallëzuan: në Milano dhjetëra protestues u përplasën me policinë, duke përdorur bomba tymi dhe shishe, ndërsa policia përdori sprej me piper dhe ujë. Më shumë se 10 persona u arrestuan dhe rreth 60 oficerë u lënduan. Meloni dënoi dhunën, duke thënë se ajo nuk ka lidhje me solidaritetin ndaj Gazës. 

Ushtria izraelite ka intensifikuar ofensivën në Gaza, ku gjatë 23 muajve të fundit janë vrarë mbi 65,000 njerëz, ndërsa më shumë se 200,000 palestinezë janë vrarë e plagosur që nga sulmi i 7 tetorit nga Hamasi që vrau rreth 1,200 njerëz dhe mori peng 250 të tjerë.