Bashkimi Evropian është gati të pezullojë marrëveshjen e vizave me Rusinë. Lajmi raportohet nga “Financial Times” duke cituar burime, sipas të cilave pezullimi është një përpjekje për të kufizuar numrin e lejeve të udhëtimit, pasi disa anëtarë të Evropës Lindore kërcënuan të mbyllnin në mënyrë të njëanshme kufijtë e tyre për turistët rusë.
Disa vende kanë bërë thirrje për veprime të përbashkëta për të ndaluar fluksin e rusëve në Evropë me viza turistike. Çekia dhe Polonia bllokuan lëshimin e vizave menjëherë pasi Rusia pushtoi Ukrainën.
Të tjerët, megjithatë, vazhduan të garantojnë dokumente udhëtimi, duke lejuar rusët me viza të lëvizin lirshëm në zonën Shengen.
Si hap i parë, BE po përgatitet të japë mbështetje politike për pezullimin e marrëveshjes BE-Rusi në takimin dyditor në Pragë, i cili do të çelet të marten.
"Nuk është e përshtatshme që turistët rusë të bëjnë udhëtime në qytetet tona. Ne duhet t'i dërgojmë një sinjal popullatës ruse se kjo luftë nuk është në rregull, nuk është e pranueshme," tha një zyrtar evropian për “Financial Times”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
