WhatsApp është duke e bërë më të lehtë ndarjen e mesazheve sipas disa kategorive për përdoruesit e aplikacionit.
Nëse je një prej 2 miliardë njerëzve që përdor këtë aplikacion e dini mirë se çfarë do të thotë të gjesh një mesazh në grupet e shumta apo mes qindra bisedave.
Platforma në pronësi të kompanisë “Meta” deri më tani ka ofruar ndarjen dhe zgjedhjen e mesazheve linqe, media dhe dokumente, por tani kategoritë dhe ndarjet do të zgjerohen.
Kategoritë e reja me të cilat mund të filtroni mesazhet tani janë foto, video, linqe, gife, audio, dokumente, mesazhe nga kontaktet, të panjohur dhe të palexuara.
Ky përditësim i ri ofrohet aktualisht për përdoruesit e versionit biznes të WhatsApp që i përdorin më tepër këto ndarje, por në të ardhmen mund të jetë i disponueshëm për të gjithë.
Një pamje e re e versionit iOS të WhatsApp pritet të prezantohet javët në vijim dhe do të ketë një mënyrë të re për t’ju njoftuar se njerëzit po flasin për ju në biseda.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
