Përfaqësuesi i Posaçëm i BE për dialogun Kosovë-Serbi Miroslav Lajçak, ka reaguar në Twitter pas takimit në Beograd me presidentin e Serbisë, Aleksandar Vuçiç.
“Sot në Beograd pata një diskutim të thellë me presidentin Aleksandar Vuçiç, për çështjet axhendën aktuale dhe për rrugën e dialogut, përfshirë takimin e radhës të nivelit më të lartë”, ka shkruar Lajçak në Twitter.
Ndërsa në një njoftim të Presidencës serbe thuhet se Lajçak ka deklaruar se BE pret zbatimin e marrëveshjeve Prishtinë-Beograd, përfshirë Asosacionin.
Në njoftimin e Presidencës serbe thuhet: “Presidenti Vuçiç tha se kanë kaluar 9 vjet nga nënshkrimi i Marrëveshjes së Brukselit dhe se ende nuk ka progres në zbatimin e detyrimeve të marra nga Prishtina, para se të gjithash në lidhje me themelimin e Asociacionit të Komunave me shumicë serbe. Përfaqësuesi special i BE-së për dialogun Kosovë-Serbi, Miroslav Lajçak, tha se do të vazhdojë të jetë plotësisht i angazhuar në vazhdimisht e dialogut të udhëhequr nga BE-ja pa vonesa të mëtejshme. Ai shtoi se anëtarët e BE-së presin që të dyja palët të zbatojnë çdo gjë që kanë rënë dakord në kuadër të procesit të dialogut”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
