Astrit Patozi ka uruar kandidatin demokrat, i cili fitoi zgjedhjet për kryetar bashkie në Kavajë. Me anë të një statusi në “Facebook”, Patozi shprehet se fitorja në Kavajë duhet të shërbejë si shkëndijë e rindezjes së shpirtit të demokratëve në të gjithë Shqipërinë.
NJË FITORE ÇLIRUESE PËR KAVAJËN
Urimet më të mira Isa Sakja!
Një rikthim i vuajtur, por çlirues dhe i mezipritur te fisnikeria dhe vlerat e marra peng prej vitesh të Kavajës.
Fitore e bukur për qytetin tim, edhe pse është vetëm një oaz i vogël në shkretëtirën e madhe të humbjes së Partisë Demokratike në zgjedhjet e 25 qershorit.
Le të shërbejë ajo si një shkëndijë e rindezjes së shpirtit të demokratëve në gjithë Shqipërinë. Ashtu si para 27 vjetësh, kur fitorja e madhe e Partisë Demokratike niste nga Kavaja.
Ne do t'ia dalim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
