“Ka një lloj krize mes bazës dhe Bashës është krizë shumë e madhe”. Kështu tha mbrëmjen e sotme nga emisioni “Arnautistan’ në MCN TV, Indrit Hoxha ish-anëtar i këshillit kombëtar të PD.
Siç u shpreh Hoxha në 8 vite me Lulzim Bashën në krye statuti i PD është shkelur dhe sipas tij me kryetarin aktual PD nuk do të vijë asnjëherë në pushtet.
“Ka një lloj krize mes bazës dhe Bashës. Është krizë shumë e madhe. Statuti i PD është shkelur në këto 8 vite dhe është bërë leckë dhe kjo nuk ka ndodhur vetëm me vendimin për Berishën, por edhe për zgjedhjet e 25 prillit. Askush nga të rinjtë nuk u promovua dhe një pjesë i përjashtoi. Është shkelur statute në zgjedhjen e kandidatëve. Berisha është sot njeriu i dukur për ta bashkuar partinë. Nëse Basha do jetë kreu i PD fatkeqësisht ajo parti sipas meje nuk do vijë ndonjëherë në qeveri”, tha Hoxha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
