Vetëm një litër birrë ose një gotë mesatare verë në ditë mund të fillojë të zvogëlojë trurin tuaj, ka zbuluar një studim i ri dhe dëmi përkeqësohet me rritjen e numrit të pijeve ditore.
Mesatarisht, njerëzit në moshën 50 vjeç që pinin një litër birrë ose një gotë verë (dy njësi alkooli) në ditë në muajin e fundit kishin tru që dukej dy vjet më i vjetër se ata që pinin vetëm gjysmën e një birre (një njësi), sipas studimit, i cili u botua të premten në revistën Nature.
Truri i njerëzve të asaj moshe që thanë se pinin tre njësi alkool në ditë kishte reduktime në lëndën e bardhë dhe gri që dukej sikur ata i kishin shtuar 3.5 vjet moshës së trurit të tyre.
Një njësi alkooli është 10 mililitra ose 8 gram alkool i pastër. Kjo do të thotë se 25 mililitra ose një gotë e vetme pije alkoolike është një njësi; një kanaçe 16 ons birrë është dy njësi; dhe një gotë verë standarde prej 6 ons (175 mililitra) është dy njësi.
Truri i atyre që nuk pinë, të cilët filluan të konsumojnë mesatarisht një njësi alkooli në ditë, treguan plakjen e barabartë me gjysmën e një viti, sipas studimit. Në krahasim, pirja e katër njësive të alkoolit në ditë e plason trurin e një personi me më shumë se 10 vjet.
"Nuk është lineare. Përkeqësohet sa më shumë që pini," tha në një deklaratë autori Remi Daviet.
Mjekët besonin se sasitë e moderuara të alkoolit mund të ofronin një përfitim shëndetësor, veçanërisht për zemrën dhe trurin, por hulumtimet e fundit e kanë vënë këtë supozim në pikëpyetje.
Një numër studimesh kanë gjetur se sasia e pijeve nuk është e shëndetshme dhe Federata Botërore e Zemrës së fundmi publikoi një përmbledhje të politikave duke thënë se nuk ka "asnjë nivel të konsumit të alkoolit që është i sigurt për shëndetin".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
