Gjendet në Kroaci përkrenarja ilire 2500 vjeçare

Katër vjet pas zbulimit fantastik të një helmete ilire 2500 vjeçare nga Zakotoreci i Peljesacit, arkeologët gjetën më 11 prill, pothuajse në të njëjtin vend, edhe një tjetër helmetë, e cila është akoma edhe më e vjetër.

Lajmin u bë i ditur nga Marta Kalebota, arkeologe kroate nga Muzeu i Qytetit të Korculës dhe anëtare e ekipit arkeologjik që gërmon në zonën e Zakotorac.

“Përkrenarja e dytë u gjet dhjetë metra larg vendit ku u gjet e para. Ato janë pak më ndryshe, mendojmë se i përket shekullit V-VI, që do të thotë se është pak më e vjetër se e para, por ende duhet të përcaktoni detajet”, pohoi arkeologia e re Kalebota.

Kalebota ka zbuluar se helmeta u gjet në një dhomëz gjysmërrethore, rrethuar me  një grumbull të madh gurësh, ndërsa e para u gjet në zonën pranë varrit me shumë artefakte të tjera si kopsa, rruaza, enë qeramike, qelibar e të tjera.

Arkeologët ende po hamendësojnë nëse ishte një përkrenare që ishte dhuratë kushtimi për një luftëtar të vdekur apo nëse ishte e vlefshme për të gjithë turmën, pra nëse ishte në shërbim të varrimeve të tjera. Është në gjendje shumë te mirë, pak e shtypur në majë.

Më shumë detaje do të dimë së shpejti, por arsyeja që helmeta kaq të vlefshme gjenden në Zakotorac është sigurisht Kanali i Peljeshkut.

Për mijëra vjet, kanali detar 12 kilometra i gjatë që ndan ishullin e Korçulës dhe gadishullin Pelješac ishte dhe mbetet rruga më e sigurt dhe më e shkurtër tregtare dhe e pasagjerëve për në Dubrovnik.

Kanali i Peljeshkës është arsyeja për shumë vende të tjera arkeologjike në ishull dhe gadishull, dhe njerëzit që jetonin atje ishin zakonisht të pasur, qoftë për shkak të piraterisë ose për shkak të tregtisë, siç dëshmohet nga objektet e gjetura, të shtrenjta.

Me shumë gjasa, arkeologët kanë arritur në përfundimin se përkrenarja e parë i përkiste ilirëve plerejanë dhe për të dytën do të dinë më shumë pas analizës.