Lista e zezë e SHBA, emrat e zyrtarëve shqiptarë dhe kriteret për t’u shpallur non grata

Ish-kryeministri Berisha ka hyrë sot zyrtarisht në listën e personave non grata në SHBA.

Sali Berisha dhe familja e tij janë cilësuar të papërshtatshëm për të hyrë në SHBA, përmes një njoftimi të Departamentit Amerikan të Shtetit.

Në këtë mënyrë, Berisha i bashkohet ish-kryebashkiakut të Durrësit, Vangjush Dako, ish-kryeprokurorit Adriatik Llalla dhe ish-deputetit socialist, Tom Doshi.  

Në njoftimin e DASH, thuhet se vendimi për shpalljen e Berishës non grata bie në fushë-veprimin e ligjit 7031(c).

“Në cilësinë e tij zyrtare si kryeministër i Shqipërisë në veçanti, Berisha ka qenë i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit për përfitime personale dhe për të pasuruar aleatët e tij politikë dhe anëtarët e familjes, në dëm të besimit të publikut shqiptar në institucionet e tyre qeveritare dhe zyrtarët publikë. Për më tepër, retorika e tij tregon se ai është i gatshëm të mbrojë veten, anëtarët e familjes së tij dhe aleatët e tij politikë në kurriz të hetimeve të pavarura, përpjekjeve antikorrupsion dhe masave të përgjegjësisë”.

Kriteret mbi të cilat SHBA shpall një person non grata

1. Të kërkuarit, pranuarit apo dhënien e parave, dhuratave, apo përfitimeve të tjera personale në shkëmbim të favoreve, të ofruara për shkak të postit.

2. Përvetësimin e fondeve publike.

3. Ndërhyrjen në procese gjyqësore, zgjedhore apo procese të tjera publike.