Ish-Presidenti Ilir Meta, ka deklaruar nga kampingu veror në Jalë se më datë 1 shtator do të bëjë kallëzim penal për Autoritetin e Dosjeve. Sipas tij, ky institucion ka stisur dosjen ndaj tij.
Meta thotë se shpifjet kundër tij janë bërë nga Autoriteti i Dosjeve me urdhër të Edi Ramës ndërsa shtoi se kemi të bëjmë me një falsifikim të rëndë dhe të turpshëm.
“Në 1 shtator do bëhet publik kallëzimi penal për Autoritetin e manipulimit të Dosjeve, sepse e kanë manipuluar, jo dosjen e Ilir Metës, se nuk ka ekzistuar, por dosjen e një qytetari 19 vjeç dikur, tentativë për arratisje, sot edhe shtetas amerikan, me qëllim për të përfshirë në këtë histori Ilir Metën”, deklaroi Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
