Policia holandeze ka plagosur dy persona gjatë protestave që shpërthyen në Roterdam për masat e reja anti-Covid-19.
Protestuesit hodhën gurë dhe fishekzjarre ndaj tyre dhe u vunë flakën makinave të policisë.
Qindra protestues ishin mbledhur për të treguar zemërimin e tyre ndaj planeve të qeverisë për "pasaportën e vaksinimit" dhe ndalimin e fishekzjarreve në natën e Vitit të Ri. Holanda vendosi një bllokim të pjesshëm tre-javor të Covid javën e kaluar ndërsa rastet u rritën.
Policia qëlloi të shtëna paralajmëruese dhe të shtëna direkte "sepse situata ishte kërcënuese për jetën", tha një zëdhënës i policisë për agjencinë e lajmeve Reuters.
Videot e postuara në mediat sociale tregonin makinat e djegura të policisë dhe protestuesit që gjuanin me gurë policinë në rrugën kryesore tregtare të qytetit.
Holanda vendosi kufizime të reja të shtunën e kaluar pasi regjistroi numrin më të lartë të rasteve me Covid që nga fillimi i pandemisë.
Masat e reja janë restorantet dhe dyqanet duhet të mbyllen më herët dhe ngjarjet sportive duhet të zhvillohen pa tifozë.
Më herët të premten, qeveria ndaloi fishekzjarrët më 31 dhjetor për të dytin vit radhazi. Ndalimi do të parandalonte "tensionin shtesë në kujdesin shëndetësor", tha qeveria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
