A mund t’i ndryshosh dy binjakë identikë? Mesa duket po. Dhe këtë e ka bërë hapësira. Scot dhe Marc Kelly janë vëllezër binjakë, por pasi ka kaluar një vit në stacionin hapësinor, i pari nuk është më i njëjti. Sipas analizave të kryera nga NASA, përgjatë një viti, parametrat vitalë dhe materiali gjenetik i Scot-it kanë ndryshuar.
Studiuesit kanë arritur në përfundimin se ndryshimet që ka pësuar ai gjatë një viti në hapësirë janë të njëjta me ato që pësojnë njerëzit në Tokë si pasojë e stresit, dietave apo mungesës së gjumit.
Sipas studiuesve, ndryshimet mund të kenë ardhur si pasojë e mungesës së gravitetit dhe stresit që shkakton jetesa në kushte të tilla.
Por më shumë se një vëzhgim i thjeshtë, rezultati i këtyre analizave ka konfirmuar ndryshimin që nxisin te gjenet njerëzore mjedisi në të cilit jeton.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
