“5 policë të Kosovës po mbahen peng nga Serbia”, Osmani kërkon reagim nga ndërkombëtarët

Pesë policë po mbahen peng nga Serbia, deklaroi sot Presidentja e Kosovës, Vjosa Osmani, e cila e konsideroi Beogradin si “shovinist”.

“I bëjmë thirrje të gjithë aleatëve tanë që ta ngrenë zërin dhe t’i rrisin përpjekjet që të ndalin mizoritë dhe veprimet e tilla shoviniste kundër qytetarëve tanë dhe kundër policisë sonë. Por, jam e bindur që betimi i sotëm, dhe të gjithë këta kadetë dhe ky grup multietnik është përgjigja më e fuqishme kundër përpjekjeve të tilla”, tha Osmani në ceremoninë e diplomimit të kadetëve të Policisë së Kosovës.

Ajo i bëri thirrje faktorit ndërkombëtar që të reagojë për këtë çështje.

“Përderisa vazhdimisht përballemi me sfida të sigurisë, mos të harrojmë edhe në këto momente pesë policë të Republikës sonë po mbahen peng nga një shtet shovinist, nga Serbia”.