Policia në Londër thotë se ka arrestuar të paktën 200 persona në një protestë në mbështetje të grupit “Palestine Action”, i cili u klasifikua si një “organizatë terroriste” nga qeveria britanike muajin e kaluar.
Policia Metropolitane tha të shtunën se 200 demonstrues ishin arrestuar në Sheshin e Parlamentit "për shfaqje mbështetjeje për një organizatë të ndaluar".
“Do të duhet kohë, por ne do të arrestojmë këdo që shpreh mbështetje për ‘Palestine Action’,” tha Policia në postim në “X”.
Arrestimet janë të fundit në një seri protestash që denoncojnë ndalimin e qeverisë për “Palestine Action”, një veprim që kritikët thonë se shkel lirinë e fjalës dhe të drejtën për të protestuar, si dhe synon të shtypë demonstratat kundër luftës së Izraelit në Rripin e Gazës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
