Shefja e Operacionit Ndërkombëtar të Monitorimit, Genoveva Ruiz Calavera, e cila është njëkohësisht dhe drejtore e Komisionin Evropian për Ballkanin ka reaguar sot në lidhje me negociatat e Shqipërisë dhe Maqedonisë së Veriut me Bashkimin Evropian.
Në një reagim në mediat sociale, Calavera shprehet se po punohet për detajet e fundit të dokumenteve që përcaktojnë kornizën nëtë cilën do zhvillohen negociatat.
“Po, ne jemi duke punuar në detajet e fundit të këtyre dokumenteve të rëndësishme që përcaktojnë kornizën në të cilën do të zhvillohen negociatat për pranimin e Shqipërisë dhe Maqedonisë së Veriut në BE”, shkruan shefja e ONM.
Ditën e djeshme, Komisioneri Evropian për zgjerimin dhe politikën e fqinjësisë, Oliver Varhelyi u shpreh se, Shqipëria duhet të përfundojë reformën zgjedhore dhe se pa këtë reformë, do të jetë shumë e vështirë për të ecur përpara, për më tepër, do të ishte për të ardhur keq nëse do humbej momentumi që u arrit për Shqipërinë, në gjirin e shteteve anëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
