Presidenti serb, Aleksandar Vuçiç, deklaroi sot se është i shqetësuar për destabilizimin e mundshëm dhe përshkallëzimin e konflikteve në rajon dhe se Serbia duhet të armatoset, ashtu siç po bëjnë të gjitha vendet përreth saj.
"Unë jam gjithmonë i shqetësuar dhe ne po bëjmë gjithçka mundemi për të parandaluar destabilizimin në rajon. Iniciativa e Novi Sadit me Shqipërinë dhe Maqedoninë Veriore është shumë e rëndësishme për ne, pasi është gjithashtu një nismë paqeje dhe politike, por edhe ekonomikisht e rëndësishme për ne", tha Vuçiç në Prva TV.
Vuçiç është shprehur se Bullgaria, Rumania, Hungaria, Kroacia dhe vendet e tjera më të vogla po armatosen në përputhje me kapacitetet e tyre ushtarake.
"Ne shohim se kush po i armatos edhe shqiptarët në Kosovë dhe çfarë helikopterësh po tregtohen nga Mali i Zi dhe ne po monitorojmë nga afër gjithçka", tha Presidenti serb.
"Mendoni për radarët - luftën elektronike dhe ndërhyrjen, gjithçka është në një nivel tjetër tani. Pse të gjithë po armatosen në botë - nuk ka më thjesht oficerë policie, ka shumë lojtarë", tha Vuçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
