Kapitaneria e Vlorës ka pezulluar këtë të mërkurë lundrimin detar për mjetet e vogla lundruese dhe mjetet e peshkimit.
Shkak është bërë era e fortë bregdetare dhe deti me dallgë.
Shpejtësia e erës shkon në det të hapur 20 metër për sekondë ndërsa në gji deri në 30 metër për sekondë. Dallgët e detit në gji shkojnë deri në 1.5 metra lartësi në gji dhe në det të hapur deri në 3 metra duke e bërë të pamundur lundrimin e këtyre mjeteve.
Me qëllim parandalimin e çdo situate të papritur për shkak të kushteve atmosferike, është kërkuar bashkëpunimin i të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese.
Drejtuesit e mjeteve të vogla lundruese dhe atyre të peshkimit u është bërë thirrje t’i sigurojnë mjetet në vende të posaçme për të shmangur dëmet që mund të shkaktohen nga përplasja e tyre me kalatat apo bregdetin se ku janë ankoruar si dhe për të shmangur gjithashtu incidentet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
