52-vjeçari Bardhi Hysa ndodhet në një burg në Tiranë prej 2 vitesh. i kërkuar nga autoritetet shqiptare, ai u arrestua në Cremonë në verën e vitit 2015 nga homologët italianë.
Hysa është një prej bosëve të trafikut të kokainës para disa vitesh në Itali, ku njihej me pseudonimin “daja”. Ai kishte ngritur një grup të mirëfilltë të shpërndarjes së kokainës edhe në qytetin ku u arrestua. Përmes ndërmjetësve në Cremona, gjatë periudhës 2010-2015 ai ka shpërndarë kokainë me një çmim prej 80-100 euro për gram.
Detajet e fundit janë zbuluar gjatë një hetimi të kryer dy vjet më parë mbi rastin “Juliette”, një hetim që falë përgjimeve telefonike zbuloi edhe marrëdhëniet e bosit të drogës me Andrea Grammatico, ish-marshall dhe ish-komandant i stacionit të karabinierëve, i cili më pas u përjashtu nga policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
