Përmbytjet në Evropë, shkon në mbi 120 numri i viktimave

Ka shkuar në mbi 120 numri i viktimave nga përmbytjet në Evropën perëndimore, ndërsa qindra të tjerë vijojnë të jenë të zhdukur.

Reshjet rekord bënë që lumenjtë të dilnin nga shtrati duke shkatërruar rajonin.

Në Gjermani, ku numri i të vdekurve është mbi 100, kancelarja Angela Merkel bëri thirrje për një betejë të vendosur në ndryshimin e klimës.

Ndërkohë mediat belge raportojnë 22 vdekje deri më tani, ndërsa gjithashtu janë prekur dhe Holanda, Luksenburgu dhe Zvicra.

Shkencëtarët kanë paralajmëruar në mënyrë të përsëritur se ndryshimi i klimës i shkaktuar nga njerëzit do të sjellë impulse të reshjeve ekstreme të tilla si ky.

Fshati Schuld me një popullsi prej 700 banorësh, ishte shkatërruar pothuajse tërësisht. 

Në qytetin Erfstadt-Blessem, afër Këlnit, ujërat e përmbytjes shkaktuan shembjen e një sërë shtëpish.